《延禧》吴谨言大开金口！网民：仲好听过明玉唱《囍帖街》

《延禧攻略》喺香港真係红到冇人有，十个有八个都追紧呢套剧。事关套剧除咗班演员好好戏之外，剧情嗰种勾心斗角，你争我夺真係好出色。最近有网民将剧中主角吴谨言以前唱歌嘅片疯传，唱得真係几有水準。

来源：娱闻乐｜

《延禧》吴谨言连唱歌都叻！

《延禧攻略》饰演魏璎珞嘅吴谨言突然爆红，更有网民将佢之前唱《烽火佳人》主题曲嘅片摆出嚟，真係听出耳油。

吴谨言之前都有拍过唔少电视剧，包括《少年四大名捕》、《守护丽人》、《凤囚凰》等，更喺2013年嘅《烽火佳人》中一人分饰两角，演技备受肯定。

当年吴谨言为咗宣传《烽火佳人》，仲上台大开金喉，唱《烽火佳人》主题曲。吴谨言声音甜美动听，真係拍得住啲专业歌手㗎，令到一班观众都听出耳油。

呢条片喺网上疯传，唔少网友纷纷留言，讚佢唱得好好听：「原来令妃娘娘歌声这幺好听！」、「可以去当歌手了」、「延禧入面唱歌最好听嘅女星」。

唔讲咁多，去片！

相关新闻：

《延禧攻略》不过仲係好有话题性，好似喺剧中饰演宫女「明玉」嘅姜梓新，除咗做戏好之外，原来佢唱歌都好好听。最近有网民搵到佢翻唱谢安琪嘅《囍帖街》，又真係几好听嘅。

《延禧》明玉唱《囍帖街》

饰演宫女「明玉」嘅姜梓新，一开头佢係富察皇后身边嘅大宫女，后来就成为魏璎珞嘅大宫女。喺戏入面佢係一个心直口快，相当善良嘅人。

翻唱谢安琪嘅《囍帖街》真係唱得几好！

现实中嘅明玉真係好唱得，最近有网民搵到佢之前翻唱谢安琪嘅《囍帖街》，真係唱得几好㗎，好多网民都大讚姜梓新唱得好，听出耳油！

唔讲咁多，一齐听下姜梓新嘅唱功啦！

其实IU之前都有翻唱《囍帖街》，备受网民大讚，不过都有网民觉得姜梓新唱得好听过IU。一齐重温下IU唱《囍帖街》，你哋又觉得边个唱得好听啲呢？

姜梓新係音乐剧与影视表演专业科班出身，唱歌同专业歌手有得挥㗎！姜梓新成日自弹自唱，多才多艺。

姜梓新演技备受讚赏之余，连《延禧》嘅编剧都大讚佢嘅外形同性格：「颜值纯净养眼，有满族人的感觉，性格直来直往，十分贴近『明玉』这角色。」

其实姜梓新之前成日都喺镜头前大开金喉，好似唱过《当你》、《错的人》等，唔止唱得好听，人又靓，真係不得了！